Duran fond bazarındakı vəziyyəti şərh edib

Anadolu Ajansı yazır ki, İletişim Başçısı Fahrettin Duran sosial media hesabında fond bazarındakı son vəziyyətlə bağlı fikirlərini bölüşüb.

Duran Türkiyə Prezidenti Rəcəb Tayyib Ərdoğanın bazarda yaranan problemlərlə bağlı mövqeyinin aydın olduğunu deyib. O bildirib ki, bazarları poza biləcək, vətəndaşların hüquqlarına zərər verən hərəkətlərə görə məsuliyyət sahibləri vəzifələrindən asılı olmayaraq məhkəmə qarşısında cavab verəcək.

O, aidiyyəti qurumların həm araşdırma, həm də təmizləmə prosesləri zamanı investorların hüquqlarını qorumaq və kapital bazarlarının şəffaf, sağlam işləməsini gücləndirmək üçün tədbirlər gördüyünü əlavə edib. Əsas meyarın qanunun tam şəkildə tətbiqi və vətəndaşların hüquqlarının qorunması olduğunu vurğulayıb.

Duran problemin fond bazarının məhdud hissəsində olduğunu və maliyyə sisteminin bütövlüyü üçün risk yaratmadığını söyləyib. O, məsul şəxslərin hüquq qarşısında cavab verəcəyini qeyd edib və maliyyə sabitliyinin qorunması ilə hüquqi prosesin eyni məqsədin iki əsas elementi olduğunu bildirib.

O həmçinin əlavə edib ki, aidiyyəti qurumlar likvidlik və yoluxma risklərinə qarşı tədbirlər görür, bazarı poza bilən əməliyyatlarla bağlı araşdırma və istintaqlar davam edir. Yeni inzibati və hüquqi qaydalar hazırlanır.

Duran vətəndaşların əmanətlərinin və haqlı hüquqlarının qorunmasının əsas prioritet olduğunu, təmizləmə və ödəniş proseslərinin ədalətli və sürətlə yekunlaşması üçün işlərin aparıldığını vurğulayıb. Prosesin Türkiyə Prezidenti Rəcəb Tayyib Ərdoğanın nəzarətində olduğunu və iqtisadi idarəetmə orqanlarının ortaq məqsədlə hərəkət etdiyini qeyd edib.

O bildirib ki, bu məsələdə əsas olan hüquq, şəffaflıq və vətəndaşların haqqıdır. Dövlət qurumları problemi eyni vaxtda koordinasiya və əlaqələndirmə ilə həll edir. Maliyyə Sabitliyi Komitəsi, Kapital Bazarları Şurası, iqtisadi idarəetmə orqanları, hüquq-mühafizə orqanları və digər əlaqədar qurumların fəaliyyəti investor hüquqlarının qorunması və qanuna zidd əməliyyatların aşkarlanmasını əhatə edir.

Duran əlavə edib ki, Prezidentin müavininin rəhbərliyi ilə Fond Koordinasiya Komitəsi təmizləmə prosesinin əlaqələndirilməsi işini həyata keçirəcək. Prosesin sağlam başa çatması, məsuliyyətlərin müəyyənləşdirilməsi və maliyyə bazarlarının etibarlı işləməsinin gücləndirilməsi dövlət orqanlarının birgə hədəfidir. O, məsələnin siyasi müzakirələrə yol verilməməli olduğunu və əsas olanın hüquq və vətəndaşların hüquqları olduğunu vurğulayıb.