Dörd şəhərdə eyni vaxtda narkotik əməliyyatı keçirildi

Hürriyet yazır ki, Nevşəhirdə narkotiklə mübarizə şöbəsi dörd ay boyunca texniki və fiziki izləmə aparıb. Əməliyyat planlanaraq Nevşəhər mərkəzi, Dərinkuyu, Gülşəhər, Avanos və Acıqöl rayonları ilə yanaşı İstanbula, İzmirə və Antalyaya eyni vaxtda basqınlar edilib.

Ümumilikdə 35 şübhəliyə aid 36 ünvanda axtarış aparılıb, əməliyyata 214 əməkdaş cəlb olunub. Axtarış zamanı 3 pilotsuz uçuş aparatı və 3 narkotik axtarış iti istifadə edilib.

Araşdırmada müəyyən olunub ki, şübhəlilər narkotik maddələrin satışını ani mesajlaşma proqramları və sosial media platformaları üzərindən təşkil ediblər. Narkotiki kuryerlər vasitəsilə yutmaqla xaricdən ölkəyə gətiriblər və kargo ilə fərqli şəhərlərə göndəriblər.

Ünvanlarda ümumilikdə 1 kiloqram 600 qram metamfetamin, 1 kiloqram 20 qram esrar, 134,73 qram kannabinoid, çoxsaylı sintetik və narkotik həblər tapılıb. Narkotik ticarətindən əldə edildiyi dəyərləndirilən Türkiyə lirəsi, avro və İran rialı ilə nağd pullar da müsadirə olunub.

Aparılan əməliyyatla bağlı 33 şübhəlinin polis idarəsində hüquqi prosedurları davam edir.