Donald Tramp süni intellekt barədə razılaşma imzaladı

ABŞ prezidenti Donald Tramp Vaşinqtonda texnologiya şirkətlərinin rəhbərləri ilə süni intellektlə bağlı birgə razılaşma sənədini açıqlayıb və imzalayıb.

Ukrainskaya Pravda yazır ki, sənəd Trampın şəxsi platforması olan Truth Social-da yayımlanıb. O, sənədə "əxlaqi vəzifə" statusu verib.

Sənəddə şirkətlərə süni intellekt sistemlərinin nəzarət və monitorinqinin düzgün işləməsi məqsədilə xarici auditorlar və ya müstəqil qiymətləndiricilərlə əməkdaşlıq etmək tövsiyə olunur.

Əlavə olaraq, direktorlar şurası yanında müstəqil komitənin yaradılması, həm daxili, həm xarici auditorların, eləcə də nəzarət qruplarının hesabatlarının alınması vacib sayılır.

Sənəddə həmçinin kibertəhlükəsizlik, bioloji təhlükəsizlik və kimyəvi risklər sahələrində süni intellekt modellərinin imkanlarının və uyğunluğunun izlənilməsi üçün daxili nəzarət tədbirlərinin tətbiq olunması tələb olunur.

Şirkətlərə həmçinin nəzarətin, monitorinqin və aşkar etmənin düzgün işlədiyini təmin edən daxili qrupların yaradılması tövsiyə edilir.

Razılaşmanı Tramp və "Google", "Anthropic", "Meta", "OpenAI", "X" və "NVIDIA" şirkətlərinin rəhbərləri imzalayıb.

Sənəddə Ağ Ev bildirir ki, gələcəkdə bu qaydaların qanunvericiliyə daxil edilməsi məntiqi ola bilər və bunların tətbiqi təhlükəsiz gələcəyin təminatıdır.

Şirkətlərin müntəzəm görüşlər keçirərək təhlükəsizlik standartlarını və ən yaxşı təcrübələri müəyyənləşdirməsi qərara alınır.

Tramp süni intellektin inkişafının yavaşladılmasına çağırışları rədd edib və texnologiyaların dünyanı ələ keçirməsi barədə fikirləri yalan adlandırıb.