Donald Tramp İranın təklifini rədd etdi

Al Jazeera yazır ki, İran İslam Respublikası Hörmüz boğazında gəmiçilikdə problemlər yaradır və su yolunun yeddi gün ərzində açılması təklifini verib.

ABŞ Prezidenti Donald Tramp bu təklifi rədd edib. Onun qərarı səthi baxışda riskli görünə bilər, amma soyuq reallıq prizmasından düşünülmüş və düzgün hesab olunur.

İranın təklifi tranzaksiyalı və qısamüddətli sabitlik üçün idi ki, bu da ABŞ-ın təzyiqində müəyyən yumşalma demək idi. Tramp belə bir şərti qəbul etməklə, terror dövlətini öz qaydaları ilə oyuna qatmaq kimi yanlış siqnal vermək istəmədi.

Bu addım ABŞ-ın dəniz azadlığını siyasi sövdələşmənin predmetinə çevirməyəcəyini göstərdi. İran isə bu təklifi ABŞ-da seçki öncəsi siyasi vəziyyətdən istifadə edərək verib.

Trampın rədd cavabı ABŞ-ın daxili siyasi mənfəətindən daha çox uzunmüddətli strateji məqsədlərə üstünlük verdiyini göstərir. Belə tədbir vasitəsilə o, ABŞ xarici siyasətinin seçki dövrünün təsiri altına düşmədiyini sübut etdi.

İranın təklifi onun iqtisadi böhranla mübarizə aparması və beynəlxalq təzyiqi azaltmaq istəyinin əlaməti idi. Keçici atəşkəs İranın mövqeyini gücləndirməyəcək, əksinə ABŞ-ın mövqeyini möhkəmləndirəcək.