Donald Tramp daha 20 milyon yaşlı insana yardım ödəyəcək

Ukrainskaya Pravda yazır ki, ABŞ prezidenti Donald Tramp seçkilər öncəsi 20 milyondan çox yaşlı insana Medicare proqramı çərçivəsində bir aylıq sığorta haqlarını ödəmək üçün təxminən 100 dollar məbləğində ödəmələr ediləcəyini bildirib.

Tramp sosial şəbəkə Truth Social-da administrasiyasının yaşlılara 90 dollar məbləğində birbaşa köçürmə aparacağını, əgər birbaşa köçürmə mümkün deyilsə kağız çek forması ilə ödəmə göndəriləcəyini açıqlayıb.

Bu, təxminən 2 milyard dollar məbləğində vəsaitin 20 milyon insana ödənilməsi deməkdir.

Tramp sentyabrın əvvəlində seçkilərdə Respublikaçıların qələbə qazanması halında hər bir yetkin vətəndaşa 5 min dollar vəd etmişdi və bu vədi seçkilər öncəsi yenidən təsdiqləmişdir, lakin əksər seçicilər bu vədə inanmır.

New York Times-ın məlumatına görə, Tramp milli televiziya kanallarında öz prezidentliyini tərifləyən siyasi reklamları yayımlamaq üçün 20 milyon dollar xərcləməyi fərdi qaydada göstəriş verib.