Donald Tramp "America.gov" platformasını təqdim etdi

Anadolu Ajansı yazır ki, Donald Tramp "America.gov" platformasının təqdimatı üçün Andrew W. Mellon Oditoryumunda keçirilən tədbirə qatılıb.

Tramp çıxışında "America.gov"un sadəcə adi bir internet saytı olmadığını, ABŞ hökumətinin 21-ci əsrə uyğun yenidən qurulmasına xidmət edən təşəbbüs olduğunu vurğulayıb.

O, federal bürokratiyanın getdikcə daha çox müdaxiləyə çevrildiyini bildirib və hökumətin daha praktik olması lazım olduğunu söyləyib.

Tramp qeyd edib ki, "America.gov" sayəsində vətəndaşlar minlərlə sayt və forma arasında deyil, tək giriş nöqtəsindən bütün hökumət xidmətlərinə asanlıqla çata biləcəklər.

O, Grok, Gemini və ChatGPT istifadəçilərinin də bu platformanın necə işlədiyini asanlıqla başa düşəcəyini vurğulayıb, mürəkkəb bürokratik proseslərin vətəndaşları sistemdən kənar qoymayacağını bildirib.

Tramp "America.gov" ilə bütün federal qurumların xidmətlərinin tezliklə bu platforma ilə inteqrasiya olunacağına dair bəyanat imzalayıb.

Bəyaz Saray məlumat verir ki, "America.gov" təhlükəsiz, ağıllı və istifadəçi yönümlü tək nöqtə kimi xidmət verəcək, istifadəçilər pasport yeniləmə və Medicare-ə qeydiyyat kimi əməliyyatları platforma üzərindən həyata keçirə biləcəklər, gələcəkdə isə daha çox xidmət əlavə olunacaq.