Çin və ABŞ süni intellekt təhlükəsizliyi üzrə kanal qurdu

Deutsche Welle yazır ki, Çin və ABŞ süni intellekt təhlükəsizliyi və hərbi əlaqələr sahəsində əməkdaşlığı inkişaf etdirmək barədə razılığa gəlib.

Tərəflər təxminən 30 milyard dollar dəyərində olan "həssas olmayan mallara" qarşı tariflərin azaldılmasını təsdiqləyib. Bu, kənd təsərrüfatı məhsulları və bayram bəzəkləri kimi ixracatı əhatə edir.

Çin Xarici İşlər Nazirliyi bildirib ki, tərəflər süni intellekt sahəsində hadisələrlə bağlı "kommunikasiya kanalı" yaradacaq və texnologiyaların inkişafı fonunda müzakirələri dərinləşdirəcəklər.

Növbəti süni intellekt mövzulu dialoq noyabr ayında keçiriləcək.

Hərbi böhranların qarşısını almaq üçün hərbçilər arasında kommunikasiya da sürətləndiriləcək, lakin ətraflı məlumat verilməyib.

ABŞ və Çin arasında əvvəlki "ticarət atəşkəsi" noyabrın 10-da başa çatmalı olsa da, ABŞ xəzinə naziri Skott Bessent deyib ki, razılaşma yanvara qədər qüvvədə qalacaq.

Çin ABŞ-dan 2027 və 2028-ci illərdə ən azı 10 milyon ton kömür idxalını qəbul edib.

Donald Tramp İranda vəziyyətin də müzakirə mövzusu olduğunu təsdiqləsə də, əsas irəliləyiş olmayıb. Çin Xarici İşlər Nazirliyi hər iki tərəfin İranda nüvə silahının olmaması və beynəlxalq su yollarında keçid haqlarının qoyulmamasında razılaşdığını açıqlayıb.

Donald Tramp və Si Cinpin ilin sonuna qədər iki görüş keçirəcək. Tramp noyabrda Çində Asiya-Sakit Okean İqtisadi Əməkdaşlığı sammitində iştirak edəcək, Si isə dekabrda ABŞ-da G20 sammitində iştirak edəcək.