Çiftçi: Huzurun və təhlükəsizliyin əsri üçün işləyirik

Anadolu Agentliyi yazır ki, Türkiyənin daxili işlər naziri Abdulhəmid Çiftçi sosial media hesabında "Huzurun və təhlükəsizliyin əsri üçün işləyirik" mesajını paylaşıb.

Nazir Türkiyənin müxtəlif bölgələrində vətəndaşlara xidmət göstərildiyini bildirib. O, Daxili İşlər Nazirliyinin bütün qurumlarının riskləri qabaqcadan görərək, cinayətlərin qarşısını almağa yönəlmiş proaktiv yanaşma əsasında fəaliyyət göstərdiyini vurğulayıb.

Çiftçi bildirib ki, Daxili İşlər Nazirliyinin tərkibinə daxil olan Jandarma Ümumi Komandanlığı ölkənin hər qarış torpağında vətəndaşların təhlükəsizliyi üçün çalışır. Sahil Mühafizə Komandanlığı isə 455 min kvadratkilometrlik Mavi Vətənin hər yerində fasiləsiz növbətçilik edir.

O əlavə edib ki, Fövqəladə Hallar İdarəsi (AFAD) fəlakətləri qabaqcadan gözləyir və riskləri öncədən idarə edir. Qaçqın İdarəsi təhlükəsizlik, hüquq və insan ləyaqəti prinsiplərinə sadiq qalaraq fəaliyyət göstərir. Əhali və Vətəndaşlıq İdarəsi isə rəqəmsal dövlət anlayışı ilə vətəndaşların həyatını asanlaşdırır.

Nazir qeyd edib ki, 700 min nəfərlik Daxili İşlər Nazirliyi ailəsi Türkiyə xalqının sülhünü, dövlətin təhlükəsizliyini və uşaqların parlaq gələcəyini təmin etmək üçün daim çalışır. Onlar gecə-gündüz işləyərək "Huzurun və Təhlükəsizliyin Əsri"ni yaratmaq niyyətindədirlər.