Cənubi Afrikada iki atışmada 27 nəfər öldürülüb

Deutsche Welle yazır ki, Cənubi Afrikanın Qauteng və Qərbi Keyp əyalətlərində gecə baş verən iki atışmada ümumilikdə 27 nəfər qətlə yetirilib.

Qauteng əyalətində, Yohannesburqun qərbində yerləşən Wedela qəsəbəsindəki bir bara silahlı şəxslər hücum edərək 17 nəfəri öldürüb, 15 nəfəri isə yaralayıb. Polisin məlumatına görə, hücum edənlərin sayı 8 nəfərdir və onlar AK-47 tüfəngləri və tapançalarla silahlanıb.

Silahlılar hadisə zamanı bəzi müştərilərin üzərini axtararaq onların mobil telefonlarını götürüblər. Hücumdan sonra iki məlum olmayan nəqliyyat vasitəsi ilə qaçıblar. Hadisə yerində 17 nəfər ölüb.

Digər atışma Qərbi Keyp əyalətində, Lwandle qəsəbəsində əyləncə məkanında baş verib. Orada 10 nəfər öldürülüb, 11 nəfər yaralanıb. Yaralılardan beşi hadisə yerində, beşi isə xəstəxanada dünyasını dəyişib.