Capcom süni intellektlə birgə oyun yaradılmasına hazırlaşır

The Verge yazır ki, Capcomun proqramçısı Satoshi İshida qeyd edib ki, Resident Evil kimi böyük oyunların hazırlanması çox vaxt aparır və sadə tapşırıqlar belə vaxt itkisinə səbəb olur.

İshida deyib ki, məsələnin həlli inkişaf prosesinə süni intellekt texnologiyasının uğurla daxil edilməsidir. Buna görə də şirkət RE Engine-i tədricən süni intellektlə işləyən oyun mühərrikinə çevirməyi planlaşdırır.

Capcom əvvəllər açıqlayıb ki, oyunlarda süni intellekt tərəfindən yaradılan məzmundan istifadə etməyəcək. Bunun əvəzinə AI texnologiyasını oyun yaradılması prosesini daha səmərəli etməyə yönəldəcək.

İshidanın sözlərinə görə, şirkətin məqsədi gələcəkdə süni intellektlə birgə oyunlar hazırlamaqdır. Bu planlar RE Engine-in mərhələli olaraq dəyişdirilməsi və təkmilləşdirilməsi istiqamətindədir.