BVF El Salvadorun Bitcoin ehtiyatlarının artımını özəl ianələrlə təsdiqləyib

Beynəlxalq Valyuta Fondu (BVF) təsdiqləyib ki, 2025-ci ilin iyunundan sonra rəsmi Bitcoin ehtiyatlarına əlavə olunan bütün bitcoinlər özəl ianələrdən gəlib. Dövlət vəsaitlərindən istifadə edilməyib.

BVF-in açıqlaması Salvador hökumətinin təqdim etdiyi sənədlərə əsaslanır. Sənədlər göstərir ki, bitcoin ehtiyatlarının artımı yalnız özəl ianələrlə təmin olunub və əlavə alım planlaşdırılmır.

BVF əvvəlki icmalında dövlət sektorunun bitcoin balansının sabit saxlanmasını tələb etmişdi. Buna baxmayaraq, El Salvadorun rəsmi izləyicisinin məlumatına görə, ehtiyatlar noyabr ayında 1.000-dən çox bitcoin artaraq 7.764,37 BTC səviyyəsinə çatıb və gündə bir bitcoin alışı davam edir.

BVF açıqlamasında bağışçıların kimliyi və verdikləri məbləğ barədə məlumat verməyib. Prezident Nayib Bukele isə ötən ilin martında bitcoin alışlarının dayandırılmayacağını bildirmişdi.

El Salvador 2021-ci ildə bitcoini rəsmi pul vahidi elan edən ilk ölkə oldu. BVF ilə əldə edilən ilkin razılaşma isə özəl sektorun bitcoin qəbulunu könüllü edib, dövlət sektorunda ise bitcoin alışını məhdudlaşdırıb. Ölkənin vergi ödənişləri ABŞ dolları ilə nəzərdə tutulur.

Hökumət Chivo kripto pulqabısının çoxluq mülkiyyətini və əməliyyat nəzarətini özəl operatora verib. Lakin kiçik pay və müştəri aktivlərinin qorunması öhdəliyi dövlətin əlində qalıb. BVF operatorun kimliyini açıqlamayıb.

El Salvador və BVF əməkdaşları kripto üçün hüquqi və nəzarət mexanizmlərinin yaxşılaşdırılması üzrə razılığa gəlib. Bu razılıq ölkənin 40 aylıq Genişlənmiş Fond Müfəttişliyi proqramının ikinci və üçüncü icmallarının yekunu zamanı əldə olunub.