Brisbenin özəl məktəbinin 16 yaşlı şagirdi 2024-cü ildə Liberal partiya və şəhərin Əməyi Günü yürüşünə qarşı terror aktları hazırlamaqda ittiham edilir.

Yeniyetmə terrorla mübarizə polisi tərəfindən saxlanılıb.

O, Avstraliya Liberal partiyası ilə bağlı obyektlərə və şəxslərə qurğu yerləşdirmək məqsədilə apteklərdə satılan kimyəvi maddələrdən istifadə edərək terror aktı planlaşdırırdı.

Həmçinin 2024-cü ilin Əməyi Günü yürüşünü partlatmaq niyyətində olduğu, planlarında marşrut boyunca Boundary Road küçəsində partlayış təsvirinin olduğu məhkəmədə qeyd edildi.

Hakim Şon Kuper yeniyetmənin bu planları "kiçik gələcək layihəsi" adlandırdığını eşidib.

O, Kvinzlend ali məhkəməsində günahsız olduğunu bildirib. 14 nəfərdən ibarət hakimlər heyəti formalaşıb.

Prokuror Sue Flinn məhkəmədə bildirib ki, yeniyetmə bomba hazırlama metodlarını öyrənib, kimyəvi maddələr alıb, partlayıcıların sınağını keçirib və aylar boyunca terror, bomba və partlayıcılarla bağlı yazışmalar aparıb.

Prokuror iddia edir ki, bu hücum Unabomber Ted Kaczynskinin antikapitalist və anti-texnologiya ideologiyasını yaymaq məqsədi daşıyırdı.

Məhkəmədə bildirilib ki, o, dostları ilə Kaczynski haqqında çoxlu yazışmalar aparıb. Kaczynski 17 il davam edən məktub bombaları seriyasının məsuliyyəti daşıyırdı və bu seriyada üç nəfər həlak olmuşdu. O, 1995-ci ildə "Sənaye Cəmiyyəti və Onun Gələcəyi" adlı manifestini qəzetlərdə dərc etdikdən sonra terror fəaliyyətini dayandırmışdı.

Manifestdə sənaye inqilabı tənqid olunur, ovçuluq və yığımçılığa qayıdış təklif edilir, zorakılıqla mesajın yayılması müdafiə olunur.

Jurnalistlər onun saxlanmadan öncə Unabomber kimi tanındığını qeyd edir.

Məhkəmə zamanı bildirilib ki, yeniyetmə TikTok-da dostlarına Unabomberin fikirlərinin haqlı olduğunu deyib, onunla bağlı çoxlu memlar və digər yazışmalar paylaşıb. Yeniyetmənin 35 min sözlük manifesti və oxşar mövzuda öz manifesti var.

Manifestdə cəmiyyətin "texnoloji sistem" səbəbindən uğursuz olduğu vurğulanır.

"XX əsrin fəlakətli inkişafından bəri, bu, bu günümüzün sosial problemlərinin əsas səbəbidir," manifestdə yazılıb.

"Digər əsas səbəb isə insanın tamahı və kapitalist ideallarıdır ki, bunlar tarix boyu müharibələrə, soyqırımlara, həyat itkisinə, aclığa və avtonomiyanın itirilməsinə yol açıb."

Prokuror Londondakı Universitetin terror məsələləri professoru Endryu Silkini ifadə verməyə çağıracağını deyib. O, cavabdehin Kaczynskinin təsiri altında olduğunu və onun zorakılığı anti-texnologiya ideologiyasını yaymaq üçün qəbul etdiyini sübut edəcək.

Məhkəmədə yeniyetmənin mesajlarından birində "Sənaye cəmiyyətinə böyük təsir edən insanlara bomba göndərməliyik" yazıldığı qeyd olundu.

Cavabdehin bomba hazırlamaq təlimatlarına da malik olduğu bildirilir.

O, 2024-cü ilin avqustunda dostlarından birinin Kvinzlend polisinə məlumat verməsi nəticəsində həbs olunub.

Aparılan axtarışda anasının evində zibil qutusunda bomba üçün lazım olan maddələr aşkarlanıb.

Yeniyetmə 2024-cü ilin martın 23-dən iyulun 29-dək terror aktlarına hazırlıq və planlaşdırma ittihamı ilə məhkəməyə verilib.

Prokurorun ilkin ifadəsi çərşənbə axşamı davam edəcək. Daha sonra müdafiə tərəfinin vəkili Laura Riss çıxış edəcək.

İşin təxminən 10 gün davam edəcəyi gözlənilir.