Böyük Britaniyada ABŞ-ın bazasına yaxın evlər boşaldıldı

Al Jazeera yazır ki, Böyük Britaniyada ABŞ-ın istifadə etdiyi hərbi bazaya yaxın bir neçə ev boşaldılıb.

Gloucestershire polisi bildirib ki, ordunun xüsusi partlayıcı maddələrin zərərsizləşdirilməsi qrupu hazırda bir neçə avtomobili yoxlayır.

Qərbi İngiltərənin Whelford şəhərində sakinlər yaxınlıqdakı istirahət mərkəzinə aparılır.

Polis bir neçə şəxsi Partlayıcı Maddələr Haqqında qanun çərçivəsində şübhəli bilinərək həbs edib.

Şəhər RAF Fairford bazasının yaxınlığındadır, bu baza ABŞ qüvvələri tərəfindən İranla ABŞ-İsrail müharibəsində istifadə olunub.