Bitcoin qiyməti 84 min dolları keçərək qalxdı

CoinDesk yazır ki, bitcoin qiyməti 1 faiz yüksələrək 84 200 dolları ötüb. 10 illik xəzinə istiqrazlarının gəliri 5,25 faiz səviyyəsində stabilləşib.

Ether əsas tokenlər arasında 2 faiz artaraq 2 720 dollar civarına çatıb. Dogecoin 3, XRP isə 2 faiz qiymət artımı göstərib. Binance Coin, Solana və TRX hər biri 1 faizdən az qalxıb. Zcash qiyməti isə 9 faiz düşərək 1 423 dollara geriləyib.

ABŞ spot bitcoin ETF-ləri bazar ertəsi təxminən 31 milyon dollar sərmayə qəbul edib, ether fondları isə 17 milyon dollar əlavə edib. Solana və XRP fondları birlikdə 17 milyon dollar investisiya cəlb edib. Yeganə ABŞ ZEC fondu isə 8 milyon dollar çıxarışla tək mənfi nəticə göstərib.

FxPro-nun baş analitiki Aleks Kuptsikeviç bildirib ki, kriptovalyutalar 2,87 trilyon dollarlıq bazar dəyərində ehtiyatlı bərpa dövrünü yaşayır. Ancaq 2,90 trilyon dollar səviyyəsindən aşağı olduğu müddətcə bazar texniki baxımdan qısa müddətli azalma tendensiyasında qalır.

O əlavə edib ki, bitcoin əvvəlki yüksək səviyyəyə yenidən qayıdıb və artım tempi zəifləyib. Davamlı yüksəlişlər bitcoinin 87 min dolları ötərək yeni çoxaylıq zirvələr vurmasına şərait yarada bilər.