Bill Geyts süni intellektin tənzimlənməsində çətinlikləri bildirir

News.ru yazır ki, Bill Geyts NBC News kanalına müsahibəsində süni intellektin (Sİ) tənzimlənməsi üzrə beynəlxalq razılaşmaların əldə olunmasının çətin olacağını bildirib.

O vurğulayıb ki, dövlətlər arasında süni intellektin nəzarəti məsələsində razılığa gəlmək soyuq müharibə dövründə nüvə arsenalının məhdudlaşdırılması barədə razılaşmalardan dəfələrlə çətin olacaq.

Bill Geyts qeyd edib ki, süni intellekt şirkətlərinin təkbaşına özünü tənzimləməsinə güvənmək, texnologiyanın təhlükəsizliyini təmin etmək üçün kifayət deyil.

Onun sözlərinə görə, nəzarət və təhlükəsizlik tədbirləri müzakirə olunarkən həm siyasətçilər, həm də hüquq-mühafizə orqanları iştirak etməlidir.

Bill Geyts süni intellekti təkcə narahatlıq doğuran texnologiya kimi yox, əhəmiyyətli bir inkişafa çevrilən intellekt növü kimi qiymətləndirir və yaxın illərdə onun insanlardan daha ağıllı olacağını xəbərdarlıq edir.