Beş ölkə Ukraynada hərbi təlim mərkəzlərini yeniləyir

Ukrainskaya Pravda yazır ki, Niderland, Almaniya, İrlandiya, Danimarka və Luksemburq Ukraynadakı iki hərbi təlim mərkəzinin yenilənməsini maliyyələşdirir.

Avropa İttifaqının xarici siyasət və təhlükəsizlik məsələləri üzrə ali nümayəndəsi Kaya Kallas 28 sentyabrda keçirilən Aİ Müdafiə Nazirləri Şurasının iclasının sonunda bildirib ki, həmin ölkələrin maliyyə dəstəyi sayəsində təlim mərkəzlərinin modernləşdirilməsi prosesi irəliləyəcək.

Kallas qeyd edib ki, əvvəlcə maliyyə təminatı məsələsi tam həll edilməyib, lakin Niderlandın bugünkü dəstəyi həmin məsələni aradan qaldırıb.

O əlavə edib ki, Almaniya, İrlandiya, Danimarka və Luksemburqun dəstəyi ilə hər iki təlim mərkəzində işlər davam etdiriləcək.

Kaya Kallas həmçinin bildirib ki, Aİ Ukraynaya dəstək məqsədilə EUMAM təlim missiyasının manda müddətini daha iki il uzadıb.

O həmçinin qeyd edib ki, 6,6 milyard avrodan ibarət Avropa Sülh Fondundan 900 milyon avro EUMAM-a ayrılıb.

Eyni zamanda, Niderland Ukraynadakı hərbi təlim mərkəzlərinin fəaliyyətinə 10 milyon avro ayıracaq.