Berlin-də Filistinə dəstək yürüşü keçirildi

Anadolu Ajansı yazır ki, Berlin şəhərində Filistinə dəstək məqsədilə mitinq təşkil olunub.

Etirazçılar Gnezenauştrasse metro stansiyası yaxınlığında toplaşaraq daha sonra Noykölln bələdiyyə binasının qarşısına yürüyüblər.

Mitinqdə İsrailin Filistin torpaqlarını ələ keçirməsi və Almaniyanın İsrailə silah satışları tənqid edilib.

Nümayişçilər "İsrail bombalayıb, Almaniya dəstək verir", "Zafərə qədər Filistin", "Soyqırımı dayandırın" kimi şüarlar səsləndiriblər.

Tədbirdə çoxsaylı Filistin bayraqları daşıyılıb, həmçinin "İsrailə boykot", "İnsan haqlarının yanında dururam" yazılı pankartlar göstərilib.

Güclü təhlükəsizlik tədbirləri görülsə də, ən azı bir nəfər saxlanılıb.

Digər tərəfdən, İsrail yandaşı azsaylı qrup təmas xəttində İsrail bayraqları qaldırıb.