Belçikada ev təmir edən tikintçilər zirzəmi divarlarının içərisinə yerləşdirilmiş, dəyəri təxminən 9 milyon avro olan qızıl tapıblar.

Şərqi Flandriyada həyata keçirilən təmir zamanı kanalizasiya borularının qoyulması üçün qazıntı aparan işçilər qızıl külçələr və sikkələrdən ibarət gizli xəzinəyə rast gəliblər.

Tapıntının kimə məxsus olacağı müzakirə mövzusudur. Həm işçilər, həm də evin mülkiyyətçisi olan xeyriyyə təşkilatı onun sahibi olmaq hüququna sahib ola bilər.

Araşdırma başlanıb. Yerli polis əlavə xəzinə axtaranları xəbərdar edib ki, ərazi tam yoxlanılıb və qızıllar təhlükəsiz yerə daşınıb.

Tapıntını edənlər arasında yay işində çalışan 18 yaşlı tələbə də var. O, binanın təməllərində çalışarkən qızılları görüb.

Belçika Dövlət Aparatının ictimai yayımçısı VRT-yə danışan Kobe adlı tələbə ilk reaksiyalarını "inanmazlıq və heyranlıq" kimi təsvir edib.

O deyib: "Başlanğıcda bunların 1 avroluq sikkələr olduğunu düşündüm. Sonra qızıl külçələr də diqqətimizi çəkdi. O zaman bu işin daha böyük olduğunu anladıq."

İşçilər polisə məlumat veriblər və sərvəti saxlamaq mümkün olmadığını bildiriblər.

Sayt meneceri Mario VRT-ə deyib: "Çoxlu sikkə və külçə var, onları saxlamaq demək olar ki, mümkün deyil. Bundan əlavə, bu, oğurluq hesab edilər."

Kobe əlavə edib: "9 milyon avro - bunu gizlətmək mümkün deyil."

Mülkiyyət hazırda Dendermonde şəhərində təxminən 47 min əhalisi olan flandriya icmasında fəaliyyət göstərən sosial dəstək verən CAW Oost-Vlaanderen xeyriyyə təşkilatına aiddir.

Təşkilatın direktoru Geert Hillaert tapıntı barədə ilk reaksiyasını "təəccüb və heyranlıq" kimi qiymətləndirib. O, ümüdünü bildirib ki, yığılan vəsait xeyriyyə işlərinə dəstək verilməsində və gündəlik böyük ehtiyacların qarşılanmasında istifadə olunacaq.

Yerli polis ictimaiyyəti fəal tikinti sahəsini xəzinə axtarmaq üçün ziyarət etməməyə çağırıb.

Polis qüvvələri Facebook profil şəkillərini qızıl sikkə şəkli ilə dəyişdiriblər və tapıntının doğru sahiblərinə çatmasını, insanların həyatını dəyişməsini arzulayırlar.

Belçika qanunlarına görə, tapıntının qanuni sahibi bu xəzinəyə beş il ərzində iddia edə bilər. Yerli prokurorun bildirdiyinə görə, hələ bu şəxsin kim olduğu məlum deyil.

Heç kim mülkiyyət hüququ üçün müraciət etməzsə, mülki qanun digər şəxsin əmlakında olan gizli xəzinənin tapıcı ilə mülkiyyətçi arasında bölüşdürülməsini nəzərdə tutur. Bu, yalnız tapıntının cinayət fəaliyyəti ilə əlaqəsi olmadıqda tətbiq edilir.

İşçilər və xeyriyyə təşkilatı 1823 günə qədər gözləməlidirlər. Əgər heç kim tapıntını uğurla tələb etməzsə, sahibi olmayan sərvət onların olacaq.