Balıkesirdə təbii qaz partlayışı bina sakinlərini yaraladı

Hürriyet yazır ki, Balıkesirin 17 Eylül Mahallesi Sanayi küçəsində yerləşən 4 mərtəbəli yaşayış binasının 1-ci mərtəbəsində Hasan Çelikalp adlı sakin səhər saat 06:00 radələrində səhər yeməyi hazırlamaq üçün mətbəxə daxil olarkən təbii qaz sızıntısından şübhələnib.

Hasan Çelikalp çay dəmləmək məqsədilə ocağı deyil, mətbəx tüpünü yandıranda partlayış baş verib. Partlayış nəticəsində yanğın başlayıb, bina sakinləri təşvişlə özlərini bayıra atıblar.

Hadisədə Hasan Çelikalp və yuxarı mərtəbədəki mənzildə olan 5 nəfər yaralanıb. Yanğının baş verdiyi əraziyə xəbər verilərək göndərilən yanğınsöndürənlər müdaxilə edib və yanğını söndürüb.

Hadisə nəticəsində 2 mənzil istifadə edilə bilməz vəziyyətə düşüb. Yaralılar ambulansla Bandırma Təhsil və Tədqiqat Xəstəxanasına çatdırılıb, burada müalicələri davam edir.

Xəstəxanadan bildirilib ki, Hasan Çelikalpin bədənində yanıq xəsarətləri var və vəziyyəti ağırdır.