BAE-dən İsrailə gedən sərnişin təyyarəsi qaçırılma kodu göndərib

Anadolu Ajansı yazır ki, İsrailin Kanal 12 telekanalının verdiyi məlumata görə, Dubai şəhərindən havaya qalxan təyyarə Ürdün hava məkanında uçarkən əvvəl ümumi təcili vəziyyəti bildirən “7700” kodu, sonra isə qısa müddət ərzində qaçırılmanın siqnalı olan “7500” kodunu yayaraq yardım istəyib.

Məlumata görə, İsrail Hərbi Hava Qüvvələrinə məxsus müharibə təyyarələri dərhal həmin sərnişin təyyarəsinə tərəf havalanıb. Təyyarə Ürdün səmalarında bir müddət ətrafında dövr edib.

Sərnişin təyyarəsində təxminən 100 İsrail vətəndaşı olub. Daha sonra həmin təyyarə Səudiyyə Ərəbistanı istiqamətinə yönəldilib. İsrail tərəfi təyyarənin ölkəyə eniş etməsinə icazə verməyib və hazırda uçuşla əlaqə saxlanılmır.