Azərbaycan helikopterləri Türk silahları ilə güclənir

Anadolu Ajansı yazır ki, Canik şirkəti 12,7x99 millimetrlik M3 ağır makineli tüfəyi Mi-17 helikopterlərinə FALCON FLEX 50 modullu silah mesneti ilə inteqrasiya edib. Bu addım Azərbaycan Hava Qüvvələrinin döyüş qabiliyyətini gücləndirmək məqsədini daşıyır.

Canik bu sahədəki təcrübəsini Türkiyə və digər ölkələrin müxtəlif helikopterləri üzərində həyata keçirtdiyi inteqrasiya layihələri əsasında inkişaf etdirib. M3 FALCON silahı yüksək atış sürəti ilə döyüşdə effektivliyi artırır, xüsusilə dronlara qarşı müdafiədə önə çıxır.

İnteqrasiya prosesi Türkiyə və Azərbaycanda keçirilən testlərlə tamamlanıb. Mi-17 platformasının xüsusiyyətləri diqqətlə öyrənilib, sistem hava vasitəsinin müxtəlif hissələrində istifadə oluna bilər.

FALCON FLEX 50 sistemi helikopterin qapı, pəncərə və rampasında fərqli konfiqurasiyalarda tətbiq edilə bilir. Bu da silahın platforma və tapşırıqların tələblərinə uyğunlaşdırılmasını mümkün edir.

Canik həmçinin 30 sentyabr-2 oktyabr tarixlərində Bakıda keçiriləcək 6-cı Azərbaycan Beynəlxalq Müdafiə Sərgisində (ADEX 2026) bu və digər inteqrasiya olunmuş silah sistemlərini təqdim edəcək. Şirkətin gələcək hədəflərində orta kalibrli silahlar və insansız döyüş vasitələri yer alır.