Avropa Siyasi Birliyinin növbəti sammiti 2027-ci ilin aprelində keçiriləcək
13 noyabr 2026, 00:17 · Mənbə: Report.az

Avropa Siyasi Birliyinin 10-cu sammiti 2027-ci il aprelin 15-də İsveçrənin Sürix şəhərində, "The Circle" konfrans mərkəzində keçiriləcək.
Yeniliklərdən dərhal xəbərdar olun!
Avropa Siyasi Birliyinin 10-cu sammiti 2027-ci il aprelin 15-də İsveçrənin Sürix şəhərində, "The Circle" konfrans mərkəzində keçiriləcək.
"Report"un Avropa bürosu xəbər verir ki, bunu İsveçrə Prezidenti Gi Parmelin Dublində keçirilən Avropa Siyasi Birliyinin sammitinin yekunlarına dair mətbuat konfransında bildirib.
"Dialoqa və dinc əməkdaşlığa töhfə vermək kimi çoxdankı ənənəmizi davam etdirərək, 10-cu sammitə İsveçrədə ev sahibliyi etmək bizim üçün şərəf olacaq", – o deyib.
Onun sözlərinə görə, İsveçrə qarşıdakı görüşdən iştirakçı ölkələr arasında əməkdaşlığın inkişafı, eləcə də Avropa qitəsində sabitliyin, təhlükəsizliyin və rifahın möhkəmləndirilməsinə dair birgə yanaşmaların hazırlanması üçün istifadə etmək niyyətindədir.
Parmelin vurğulayıb ki, Avropanın qarşısında duran çağırışlar milli sərhədlərlə məhdudlaşmır və ayrı-ayrı dövlətlərin səyləri ilə həll edilə bilməz.
O, həmçinin qarşılıqlı etimadın möhkəmləndirilməsi, təhlükəsizlik məsələlərinin müzakirəsi və Avropanın rəqabət qabiliyyətinin artırılması baxımından Avropa Siyasi Birliyinin əhəmiyyətini qeyd edib.
Oxşar xəbərlər

Dünya
Azərbaycan Basketbol Liqasında bu gün I və III turdan təxirə salınmış oyunlar keçiriləcək
Report.az · 22 noyabr 2026, 09:47

Dünya
Çilidə mikroavtobusla yük maşını toqquşub, ölən və xəsarət alanlar var
Report.az · 22 noyabr 2026, 09:47

Dünya
FT: Optik lifin bahalaşması Ukraynanın dron istehsalını çətinləşdirəcək
Report.az · 22 noyabr 2026, 08:46

Dünya
Yaponiyada HDQ-nin atom sualtı qayıqları ilə təchiz edilməsinə dair müzakirələr istisna edilmir
Report.az · 22 noyabr 2026, 08:16