Avro dollara qarşı üç ayın ən aşağı səviyyəsinə düşdü

Anadolu Ajansı yazır ki, Orta Doğudakı geosiyasi risklərin enerji təchizatına mənfi təsirləri inflyasiya ilə mübarizəni çətinləşdirir.

Neft qiymətlərinin artması üzündən mərkəzi bankların pul siyasətində sərtləşmə ehtimalı artır və bu, ABŞ Federal Rezervinin gələn il şahin mövqe tutacağı gözləntilərini gücləndirir.

Oktyabr toplantısında faiz artımının 25 baza bəndi olması ehtimalı 73 faizdir, dekabrda isə artım və ya sabit qalması arasında qərarsızlıq var.

Fed-in sərt pul siyasəti gözləntiləri dolları gücləndirib, buna görə avro/dollar məzənnəsi 1,1332-yə enərək 24 iyun tarixindən bəri ən aşağı səviyyəyə çatıb.

In Touch Capital Markets-in analitiki Piotr Matys ABŞ və Avropa istiqrazları arasında fərqin avro/dollara təzyiq göstərdiyini açıqlayıb.

Societe Generale FX üzrə baş strateq Kit Cakəs avro/dolların son ayda yenidən düşərək əvvəlki minimumunu keçdiyini, yüksək enerji qiymətlərinin isə bu trendləri dayandırmaq imkanının olmadığını bildirib. O, bu həftə ABŞ-da açıqlanacaq iqtisadi göstəricilərin məzənnənin gələcək istiqamətini müəyyənləşdirəcəyini vurğulayıb.