Ankarada idman zalında atışma olub, 1 nəfər ölüb

Hürriyet yazır ki, mübahisə Kızılırmak qəsəbəsindəki 1450-ci küçədəki idman zalında baş verib. Zalın sahibi ilə başqa qrup arasında keçmiş borc məsələsinə görə telefonla mübahisə yaranıb.

Daha sonra Taner Aksoy (37), Kenan B. (31) və Bahattin Ş. (37) idman zalına gəlib. Zalın yeni sahibi Halil T. (41) avtomobildən düşən üç nəfərə pompalı tüfəklə atəş açıb. Qarşı tərəf də tapança ilə cavab verib.

Nəticədə Taner Aksoy ölüb, Kenan B. isə yaralanıb. Hadisə idman zalının təhlükəsizlik kamerasına düşüb. Görüntülərdə Halil T-nin avtomobilin arxa oturacağından pompalı tüfəklə atəş açması görünür.

Polis hadisədə yaralanmayan Halil T. və Emircan İ. ilə digər tərəfdən Bahattin Ş-ni saxlayıb. Onların üzərində 3 tapança və 1 tüfəng tapılıb. Şübhəlilərin saxlanma prosedurları davam edir.