Amerikalılar bayram alış-verişinə sərmayə qoymağa davam edir

WWD yazır ki, ABŞ-da istehlakçılar iqtisadi narahatlıqlar və inflyasiya artımına baxmayaraq, bayram mövsümündə xərclərini artırmağı planlaşdırır.

Bayram satışları üzrə proqnozlar 2 faizdən 6 faizə qədər artım göstərir, xüsusilə gəlir səviyyəsi yüksək olanlar hədiyyələrə daha çox sərmayə ayırır.

Alış-veriş əvvəlki illərlə müqayisədə erkən başlanır. Amazon Prime Days oktyabrın 6-7-də keçiriləcək, bu da alış-verişin erkən başlamasına təkan verir.

Mağazalar qiymət endirimlərini artırmaqda davam edir. Məsələn, "Target" bu il 2 minə yaxın məhsulun qiymətini azaldıb.

Geyim sahəsində tələbat artıb, bunun səbəbi GLP-1 dərmanlarının geniş istifadəsi və gənc nəsilin alış-veriş mərkəzlərinə artan marağıdır.

Alış-verişdə süni intellektin rolu yüksəlir. İstehlakçılar məhsulları kəşf etmək və qiymətləri müqayisə etmək üçün AI-dən istifadə edir. Pərakəndə satışçılar isə xərcləri optimallaşdırmaq məqsədilə AI texnologiyalarından yararlanır.

Araşdırmalar göstərir ki, satınalma davranışları sorğulardakı mövqelərdən fərqlənir. PwC-nin sorğusuna görə, hədiyyə xərcləri cüzi azalacaq, lakin real satış artımı ötən ilkimidir.

Coresight şirkətinin araşdırmasına görə, pərakəndə satışlarda nominal artım 4-4,5 faiz gözlənilir, inflyasiya nəzərə alınanda isə azalma var.

Alış-verişdə ikinci əl məhsullar populyarlaşır; təxminən 40 faiz istehlakçı bayram mövsümündə ikinci əl məhsulları alır.

"Accenture" şirkətinin sorğusuna əsasən, ABŞ-da bayram büdcəsi keçən illə müqayisədə 12 faiz artaraq 737 dollara çatacaq. Xüsusilə milleniallar daha çox xərcləməyi planlaşdırır.