Almaniyalı prokuror Türkiyədə şübhəli şəkildə vəfat etdi

Hürriyet yazır ki, Almaniyada prokuror işləyən Sibel Tunç (42) və həyat yoldaşı Aykut T. istirahət məqsədilə Türkiyəyə gəliblər.

Cütlük Mimar Sinan Mahallesi yaxınlığında bir evdə qalıb. Tunç 4 gün əvvəl başlayan qusma şikayəti ilə üzləşib və 13 sentyabr tarixində saat 02:42-də yenidən qusmaya görə Silivri Dövlət Xəstəxanasına müraciət edib.

Təcili yardımda qeydiyyata alınan Tunç saat 04:50-də vəziyyəti qəfil pisləşib. O, dərhal təcili yardım sahəsinə aparılıb, lakin həkimlərin müdaxilələrinə baxmayaraq vəfat edib.

Onun ölümü şübhəli hesab edilərək araşdırmaya başlanıb. Sibel Tunç-un cənazəsi ailəsi tərəfindən Adli Tibb İnstitutundan götürülərək Silivridə dəfn edilib.