Almaniyada Şərq və Qərb arasında bərabərsizlik qalır

Deutsche Welle yazır ki, Almaniyanın Şərq və Qərb hissələri arasında gəlir və sərvət baxımından fərqlər uzun illərdən sonra da qalmaqdadır. Şərq Almaniya sakinləri hələ də daha az maaş alır, pensiyaları daha aşağıdır və az əmlaka sahibdirlər.

Federal hökumətin Şərq Almaniyası üzrə nümayəndəsi Elisabet Kayzer hesab edir ki, uzun müddət ərzində Şərqdə sahibkarlıq və şəxsi maliyyə imkanları məhdudlaşdırıldığı üçün ailələr sərvət toplaya və miras qoya bilməyib. Bu isə yüksəliş imkanlarını məhdudlaşdırır.

Kayzer "Deutschland-Monitor" adlı illik araşdırmanın ilkin nəticələrinə istinadla bildirir ki, ölkə üzrə respondentlərin təxminən üçdə ikisi inamla qeyd edir ki, maliyyə vəziyyəti, şəxsi əlaqələr və sosial status yüksəlişdə əsas rol oynayır. Şərq Almaniyada yüksək vəzifələrdə təmsilçilik 2022-ci ildə 13,9 faizdən 16,3 faizə qalxsa da, daha yüksək pillələrdə Şərq almanlarının sayı azalır.

Şərq almanların mədəniyyət, biznes, dövlət idarələri, ədliyyə, media kimi sahələrdə təmsilçilik səviyyəsi əhalisi ilə müqayisədə azdır. Kayzer "Elitenmonitor" araşdırmasına istinadla qeyd edir ki, 2018–2024-cü illərdə Şərq Almaniya rəhbərlərinin payı cəmi 10,9 faizdən 12,1 faizə yüksəlib, bəzən isə biznes və mədəniyyət sektorlarında azalma müşahidə olunub.

Şərq almanların 100 ən böyük Almaniya şirkətində rəhbərləri yalnız Qərb Almaniyadan seçilir. Eyni durum ordu, ədliyyə və media üçün də keçərlidir. Bu, Şərq almanların perspektivlərinin cəmiyyət daxilində doğru şəkildə əks olunmamasına və yeni stereotiplərin yaranmasına səbəb olur.

Kayzer öz nəslinin Berlin Divarının yıxılması və Almaniyanın birləşməsindən sonra uzun müddət Şərq almanı kimi özünü hiss etmədiyini, amma məktəb və peşə təhsili zamanı Şərq-Qərb fərqlərinin üzə çıxdığını deyir. O, Şərqdə Simson motosikl markasının gənclər üçün azadlıq simvolu olması kimi mədəni nişanların siyasi məqsədlə istifadəsini təəssüflə qeyd edir.