Aleksandr Novak Rusiyanın Avropaya nə qədər enerji qaynağı tədarük etdiyini açıqlayıb

Novak Rusiyanın 2026-cı ilin doqquz ayında Avropa İttifaqına 21,3 milyard dollarlıq enerjidaşıyıcıları çatdırdığını açıqlayıb.

Novak "Vesti" informasiya saytına müsahibəsində deyib ki, hazırda Rusiya şirkətləri ilə potensial dizel yanacağı alıcıları arasında danışıqlar gedir. Həmçinin Rusiyanın və ABŞ-ın energetika nazirlikləri arasında da danışıqlar aparılır.

Novak qeyd edib ki, neftin qiymətinin demək olar ki, iki dəfə artması və Rusiyadan əlavə tədarüklər bazarın sabitləşməsinə kömək edəcək. Yanacaq məhsulu, o cümlədən kənd təsərrüfatı ehtiyacları üçün kifayət qədərdir.

OPEK+ nazirləri bildirib ki, Ormuz boğazındakı vəziyyət səbəbindən dünya bazarına gündəlik 6-7 milyon barrel enerji daşıyıcıları daxil olmur. Novaka görə, Rusiya ilin sonuna qədər dizel yanacağı ixracını ayda 3-3,5 milyon tona çatdıracaq.

Novak əvvəllər vurğulayıb ki, Rusiyanın və ABŞ-ın şirkətləri artıq dizel tədarükü üzrə müqavilələrlə bağlı danışıqlar aparır. O ölkə daxilində yanacaq qıtlığı olmayacağını, kənd təsərrüfatı üçün yanacağın kifayət qədər olacağını vəd edib.