Aleksander Çeferin UEFA və FIFA arasındakı münaqişəni qabardır

Al Jazeera yazır ki, UEFA prezidenti Aleksander Çeferin Kopenhagendə keçirilən Avropa Futbol Klubları Baş Assambleyasında FIFA prezidenti Canni İnfantinonu sərt tənqid edib.

Çeferin məşhur "İmperatorun yeni paltarı" nağılına istinadən İnfantinonun FIFA Forward Enterprise layihəsini uğursuz plan adlandırıb. Layihə FIFA-nın ticarət hüquqlarının 20 faizinin özəl investorlar tərəfindən alınmasını nəzərdə tuturdu.

İnfantino bu təklifi futbolun inkişafı üçün əlavə maliyyə mənbəyi kimi təqdim etmiş, FIFA-nın 211 üzv federasiyası ilə demokratik məsləhətləşmələrdən sonra təklifi geri çəkmişdi.

Çeferin buna qarşı çıxaraq, layihədə istifadə olunan bəzi ifadələrin əslində əksini ifadə etdiyini bildirib: “İnkişaf”, “demokratikləşdirmə” və “məsləhətləşmə” çox vaxt reallığın gizlədilməsi üçün istifadə olunub.

O həmçinin kommersiya hüquqlarının gizli şəkildə, müvafiq strukturların xəbəri olmadan əl dəyişməsini nümunə gətirərək, belə qərarların futbolun gələcəyini sadəcə siyasi alətə çevirdiyini vurğulayıb.