AK Parti Kırımdakı vəziyyəti işğal kimi qiymətləndirir

Anadolu Ajansı yazır ki, AK Parti Ümumi Başqan Müavini və Türk Dövlətləri ilə Əlaqələr Rəhbəri Kürşad Zorlu Kocaelidə keçirilən Türk Dünyası Gənclik Toplantısında bildirib ki, Kırımda hazırkı vəziyyət və baş verənlər qanunsuz ilhaq, yəni işğal kimi qəbul edilir.

Zorlu, Türk Dövlətləri Təşkilatına üzv 7 ölkədə 170-dək universitetin iştirak etdiyi Orhun Mübadilə Proqramının gənclərə tövsiyə olunduğunu vurğulayıb. Proqramın imkanlarını artırmaq üçün yeni büdcələrin ayrılması istiqamətində addımlar atılır.

Türk Dünyası Sivil Cəmiyyət Dəstək Sisteminin (TÜDSES) həyata keçirildiyini və bu sistemə 100 mindən çox insanın qoşulduğunu deyən Zorlu gələn aylarda Kosovada TÜDSES-in təqdimatının təşkil ediləcəyini bildirib.

Özbəkistanın əlifba dəyişiklikləri ilə Türk əlifbaları ilə daha da yaxınlaşdığını bildirən Zorlu, yaxın gələcəkdə bu yaxınlığın tabelalarda, əsərlərdə və məktəblərdə görünəcəyini söyləyib.

Türkiyə və Özbəkistanın birgə təşkil etdiyi "İmam Maturidi Sempozyumu"na bütün gənclər dəvət olunub. Həmçinin, türk icmalarının dillərini və ədəbiyyatlarını rəqəmsal şəkildə qorumaq üçün layihələr hazırlandığı qeyd olunub.

Zorlu Azərbaycanın sərhədlərinə dəstəyini ifadə edərək Türkiyənin Ukrayna-Rusiya müharibəsində vasitəçilik rolunu vurğulayıb. Kırımın işğalını tanımadıqlarını və bu mövqedən dönməyəcəklərini açıqlayıb.