Adli Tibb sahəsində beynəlxalq əməkdaşlıq genişlənir

Anadolu Ajansı yazır ki, İspaniya Milli Toksikologiya İnstitutunun rəhbəri Dr. Corxe Qonsales Fernandes bildirib ki, belə tədbirlər ölkələr arasında əməkdaşlığı gücləndirir və bu proses davam etməlidir.

Dr. Fernandes İspaniyada hər il spirt və narkotik təsiri altında avtomobil idarə etmə hallarına dair araşdırmalar apardıqlarını söyləyib. O qeyd edib ki, məqsəd təkcə insanlarda bu mövzuda maarifləndirmə həyata keçirmək deyil, həm də spirt və narkotiklərin yol qəzalarının əsas səbəblərindən biri olduğunu önləməkdir. İspaniyada ölümcül yol qəzalarının təxminən yarısı spirt, narkotik və psixoaktiv maddələr səbəbindən baş verir.

Misir, Kahira Universitetinin Tibb Fakültəsi, Ərəb Adli Elmləri və Toksikologiya Birliyinin rəhbəri Prof. Dr. Dina A. Şokri son dövrlər yeni multidissiplinar texnologiyaların tətbiqini vurğulayıb. O bildirib ki, Misirdə qədim mumyaların adli görüntüləmə və virtual obduksiya işlərində müasir texnologiyalardan istifadə edir, önəmli araşdırmalar aparırlar.

Balkan Adli Elmlər Akademiyasının (BAFS) rəhbəri Prof. Dr. Yanko Georgiev Kolev isə bu tədbirin yüksək elmi səviyyədə keçirildiyini vurğulayır. O, bütün Balkan ölkələrinin adli tibb sahəsində sıx əməkdaşlıq etdiyini və siyasi vəziyyətin də bu işə mane olmadığını bildirib. Bolqarıstan, Türkiyə, Rumıniya və Serbiya kimi ölkələr müntəzəm olaraq görüşlər keçirir və təcrübə paylaşırlar.

Prof. Dr. Kolev qeyd edib ki, gənc mütəxəssislərin belə tədbirlərə cəlb olunması çox vacibdir. Gənclər təcrübəli professorlardan təhsil alır və bu, adli tibb sahəsinin inkişafı üçün mühüm rol oynayır.