ABŞ Ukraynaya Rusiya ilə sülh sazişi üçün son şans verdi

News.ru yazır ki, ABŞ-ın ehtiyyatda olan hərbi polkovniki və analitiki Dəniel Deyvis YouTube kanalında Ukrayna və Rusiya arasında sülh sazişi üçün son şans qaldığını açıqlayıb.

Deyvis qeyd edib ki, əgər Kiyev Moskva ilə razılığa gəlməzsə, Rusiya qoşunları döyüş meydanında üstünlük əldə edəcək. Onun sözlərinə görə, Rusiya prezidenti Vladimir Putin danışıqlar və diplomatiya üçün real variantlar təklif edən yeganə şəxsdir.

Deyvis vəziyyəti ümumilikdə münaqişənin son mərhələsi kimi qiymətləndirib. O bildirib ki, ya indi danışıq yolu ilə razılıq əldə edilməlidir, ya da Rusiya döyüş meydanında qalib gələcək.

Keçmiş analitik əlavə edib ki, Ukrayna və Qərbin sülh sazişi bağlamaq üçün başqa imkanları qalmaya bilər. Diplomatiya üçün pəncərə tezliklə bağlanacaq, çünki Rusiya hərəkətləri Ukraynanın dövlət kimi fəaliyyətini və döyüş qüvvələrini dəstəkləmə qabiliyyətini sistemli şəkildə zəiflədib.

Eyni zamanda keçmiş CIA analitiki Rey Makqovern vəziyyətin Ukrayna qüvvələri üçün gərginləşdiyini və ilin sonunadək onların resurslarının və silahlarının tükənə biləcəyini bildirib.