ABŞ strateji neft ehtiyatlarından 40 milyon barrel neft buraxır

News.ru yazır ki, ABŞ Energetika Nazirliyi strateji neft ehtiyatlarından 40 milyon barrel neftin buraxılacağını açıqlayıb. Neft ehtiyatlarının idarəsi (SPRPMO) şirkətləri əvəzləşmə əməliyyatında iştirak üçün müraciətlər verməyə dəvət edib.

Belə ki, Bryan Mound və Big Hill anbarlarından hərəsindən 20 milyon barrel olmaqla ümumilikdə 40 milyon barrel neftin çıxarılması nəzərdə tutulur. Neftin tədarükü 2026-cı ilin noyabr və dekabr aylarında icra ediləcək.

Neft ehtiyatının geri alınması üçün əməliyyat 2027-ci ilin iyul ayından başlayaraq 2029-cu ilin dekabrına qədər davam edəcək.

Ötən həftə ABŞ strateji neft ehtiyatlarında xam neft ehtiyatları 283,8 milyon barrel səviyyəsinə düşüb ki, bu da oktyabr 1982-ci ildən bəri ən aşağı göstəricidir.

Əvvəllər ABŞ-da neft qiymətləri İranda Ormuz boğazının açılması təklifinin rədd edilməsindən sonra 1 faizdən çox artaraq Brent markası üçün barrellik qiymət 105,64 dollara qədər yüksəlib.