ABŞ-ın şimal-şərqində güclü ştorm fəsadlar törədib

News.ru yazır ki, şimal-şərqdə təsirli olan güclü ştorm New York ştatında insan tələfatı ilə nəticələnib. Brooklyndə 56 yaşlı mənzil idarəsinin əməkdaşı küləyin yaradığı təzyiqə tab gətirməyən ağacın düşməsi nəticəsində həlak olub.

Xəsarət alan şəxs ağır vəziyyətdə xəstəxanaya çatdırılsa da, həkimlərin səylərinə baxmayaraq, onu xilas etmək mümkün olmayıb.

Yerli hakimiyyət orqanlarına 370-dən çox ağacın yıxılması barədə müraciət daxil olub. Bu müraciətlərin bəziləri təkrarlanan məlumatlar ola bilər.

New York ştatının qubernatoru Keti Hokul xəbərdarlıq edərək, bölgədə 152 millimetrədək yağış gözlənildiyini və küləyin sürətinin 26 metr/saniyəyə çatdığını bildirib.

poweroutage.us portalının məlumatına əsasən, New York, Connecticut və Massachusetts ştatlarında 50 mindən çox insan elektrik enerjisiz qalıb. Kommunal xidmətlər bu təbii fəlakətdən sonra yaranan zərərlərin aradan qaldırılması üzərində işləyir.

New York ştatında güclü sahil ştormu ilə əlaqədar fövqəladə vəziyyət elan olunub. Bu qərar BMT-nin Baş Assambleyasının yüksək səviyyəli iclasları zamanı qəbul edilib, - deyə qubernator öz sosial şəbəkə hesablarında bildirib.