ABŞ müdafiə naziri oktyabrda hərbi fəaliyyətə ara verəcəyini açıqladı

Anadolu Ajansı yazır ki, ABŞ Müdafiə Nazirliyi oktyabr ayında ordunun müxtəlif struktur hissələrinin bir gün fəaliyyətinə ara verilməsini planlaşdırır. Bu qərar hər seçki ili davamlı olacaq və bu il ən gec 15 oktyabr tarixində həyata keçiriləcək.

Nazir Hegseth sosial mediada yaydığı videomüraciətdə bildirdi ki, nazirlikdəki bütün komandanlıq səviyyələri bu gün ərzində seçkiyə qatılmaq üçün fəaliyyətləri dayandırmalıdır. Məqsəd hərbçilərin yaşadıqları əyalətlərdən uzaqda xidmət etmələri səbəbindən seçim prosesində qarşılaşdıqları çətinlikləri aradan qaldırmaqdır.

Hegseth əlavə etdi ki, onlar hərbi qulluqçulara hansı namizədlərə səs verəcəklərini demirlər, lakin səsvermə imkanlarını təmin edəcəklər.

Ordunun fəaliyyətə ara verəcəyi həmin gün hərbçilərdən səsvermə sənədini doldurmağı və birbaşa sandıqda iştirak etmələri istənilib.