Demokratik Konqo Respublikasında (DRC) işləyərkən Ebola virusuna yoluxan ABŞ-dan olan həkim Almaniyada iki həftədən çox müalicə olunduqdan sonra sağalıb, qəbul etdiyi xəstəxana məlumat verib.

Berlindəki Charite dövlət xəstəxanası bildirib ki, mətbuat açıqlamalarında 39 yaşında olduğu göstərilən şəxs – Peter Stafford – “yaxşı sağlamlıq vəziyyətindədir” və şənbə günü karantin rejimindən azad olunub.

DRC-də xristian missiya qrupu üçün cərrah kimi işləyən Stafford mayın 20-də, şərqi və mərkəzi Afrikada epidemiyaya səbəb olan Ebola virusunun nadir Bundibugyo ştammı diaqnozu qoyulduqdan sonra xəstəxanaya yerləşdirilib. O, şərqi DRC-də Ebola viruslu xəstəyə əməliyyat zamanı virusa yoluxduğu düşünülür; bu isə mayın 15-də rəsmi epidemiyanın elan olunmasından əvvəl baş verib.

Stafford xüsusi təyyarə ilə Uqandadan Berlindəki Charite xəstəxanasına ən yüksək təhlükəsizlik tədbirləri ilə gətirilib.

Onun arvadı və dörd övladı da simptom göstərməsələr belə əvvəlcə "yüksək risk qrupla" hesab edilərək Berlində xəstəxananın ayrı hissəsində karantinə alınıb. Onların izolayasiya məhdudiyyətləri də şənbə günü qaldırılıb.

Hazırda üç vaksin üzərində araşdırmalar davam etsə və sınaqlar üçün sürətlə təqdim ediləcəyi planlaşdırılsa da, Bundibugyo ştammı üçün hələ təsdiq olunmuş vaksin yoxdur.

Xəstəxananın məlumatına görə, Stafford “bu virus tipinə qarşı hazırda sınaqdan keçirilən təcrübəvi terapiyalar” daxil olmaqla tibbi yardım alıb.

O, xəstəxana və çalışanlara təşəkkür edib və “sözlərlə minnətdarlığımı yetərincə ifadə etmək mümkün deyil” deyib, eyni zamanda isə “müalicə imkanları olmayan Konqo xalqını düşünürük” əlavə edib.

Xəstəxananın İnfeksion Xəstəliklər və Reanimasiya şöbəsinin müdiri Leyf Erik Sander xəstənin sağalmasını “əhəmiyyətli terapevtik uğur” olaraq qiymətləndirib.

DRC-də yoluxma sayı 488-ə yüksəlib

Ümumdünya Səhiyyə Təşkilatı (ÜST) bildirir ki, şərqi DRC-də başlayaraq qonşu Uqandaya yayılan yeni Ebola epidemiyası hələ nəzarətdə deyil.

Şənbə günü DRC Ebola yoluxma hallarının sayının gündən-şağa dəyişərək 452-dən 488-ə yüksəldiyini, bu rəqəmə 86 ölüm hallarının daxil olduğunu açıqlayıb.

Uqanda 19 yoluxma və iki ölüm halını təsdiqləyib.

Uqanda yoluxmanın sərhəddə yayılmasının qarşısını almaq məqsədilə DRC ilə qərb sərhədini demək olar ki, bağlayıb, bu isə sərhəd ticarəti ilə məşğul olan ticarətçilərin narazılığına səbəb olub.

ÜST bu epidemiyaya görə beynəlxalq ictimai səhiyyə fövqəladə vəziyyət elan edib. ABŞ Xəstəliklərin Qarşısının Alınması və Nəzarət Mərkəzi isə bu epidemiyanın yazılmış tarixdə ən böyük Ebola dalğası ola biləcəyini, 2014-2016-cı illərdə Qərbi Afrikada baş verən epidemiyaya bənzəyəcəyini xəbərdar edib.