ABŞ-da FBI-a kiberhücum olub

Hürriyet yazır ki, ABŞ-da fəaliyyət göstərən FBI-ın işçi və işə qəbul portalına qarşı kiberhücum baş verib. Hücum nəticəsində çox sayda şəxsi məlumat, o cümlədən ad, ev ünvanları, telefon nömrələri və sosial təminat nömrələri oğurlanıb.

Hücumun məsuliyyətini ShinyHunters adlı kiberhücum qrupu üzərinə götürüb. Bu qrup Oracle PeopleSoft serverində olan təhlükəsizlik boşluğundan istifadə edib. Onlar pul tələbi qoymasa da, FBI-dan özləri barədə yayılan yanlış məlumatları düzəltməyi tələb ediblər.

Hücum zamanı FBI əməkdaşlarının həyat yoldaşları və təcili əlaqə şəxslərinin məlumatları da ələ keçirilib. Məlumatlar arasında qan və sidik testləri ilə psixiatrik qeydiyyatlar da var. New York Times araşdırmalarına görə, hədəf arasında Çin, Rusiya və İrana qarşı kəşfiyyat işləri aparan əməkdaşlar da var.

Ekspertlər bildirir ki, ələ keçirilən məlumatların xarici kəşfiyyat orqanları və cinayətkar təşkilatların əlində təhlükəli ola bilər. Habelə, ailə üzvlərinin də hədəfə çevrilmə riski yüksəkdir.

FBI bu hadisə ilə bağlı istintaq aparır və əməkdaşlarla əlaqə saxlayır. ShinyHunters əvvəlcə məlumatları yaymaqla hədələmişdi, lakin sonra açıqlama vermək niyyətində olmadığını bildirib. Mütəxəssislər məlumatların gizli qalsa da, digər qruplara və ya dövlətlərə satıla biləcəyini qeyd edirlər.