ABŞ-da daşqın sonrası sığorta fırıldağı araşdırılır

Anadolu Agentliyi yazır ki, ABŞ-ın New Jersey ştatında daşqın təsirinə məruz qalmış ərazilərə bəzən avtomobillərin sonradan gətirilib park edildiyi müəyyən edilib.

New Jersey rəsmiləri bildiriblər ki, Hudson çayının sahilində yerləşən Edgewater bölgəsində daşqın öncəsi həmin ərazidə lüks avtomobillərin sayının artdığı və bunların qəsdən daşqına məruz qalan zonaya aparıldığı aşkarlanıb.

Hadisə ilə bağlı araşdırmaya qərar verilib, məqsəd sığorta fırıldağı olub-olmadığını təyin etməkdir.

New York və New Jersey ştatlarında daşqın zərərindən faydalanmaq istəyən şəxslərin avtomobilləri daşqına məruz qalmış ərazilərə gətirib sığortadan ödəniş tələb etdiyi barədə ABŞ mətbuatında məlumatlar yayımlanıb.

New Jersey ştatı ABŞ-da avtomobil sığortası üzrə ən yüksək haqq dərəcələrinə malik əyalətlərdən biridir və bu dərəcələrin ildən-ilə artdığı qeyd edilir.

Ekspertlər bildirir ki, sığorta haqlarının artmasında oğurluq, bahalı təmir xərcləri və sığorta fırıldaqları əsas səbəblərdən sayılır.