ABŞ və Çin 30 milyardlıq tarif sazişi bağladı

Anadolu Ajansı yazır ki, ABŞ və Çin may ayında Pekində keçirilən zirvə zamanı qurulan ABŞ-Çin Ticarət və İnvestisiya İdarələrinin əsas mexanizmlərini işə salıb.

İki ölkə ticarət idarələri çərçivəsində hər iki istiqamətdə 30 milyard dollar dəyərində həssas olmayan mallar üçün daha əlverişli tarif tətbiqinə dair tövsiyələrdə razılığa gəlib.

Ticarət İdarəsi həmçinin kənd təsərrüfatı sektorunda bazara giriş maneələrini aradan qaldırmaq məqsədilə işçi qrupu yaradıb.

ABŞ-ın ixrac etdiyi mallar arasında kənd təsərrüfatı məhsulları, balıq və dəniz məhsulları, taxta və taxta məhsulları, kosmetik vasitələr və tibbi cihazlar yer alır. Çin isə əsasən kiçik məişət texnikası, oyuncaq, bayram dekorasiyaları və uşaq avtomobil oturacaqları idxal edir.

Çin 2027 və 2028-ci illərdə ABŞ-dan ən azı 10 milyon metrik ton kömür alacaq.

Həmçinin, ABŞ və Çin nadir torpaq elementləri və digər kritik mineralların tədarükü ilə bağlı yaranan çatışmazlıqları aradan qaldırmaq üçün iş aparır və təchizat səviyyələrini uyğun həddə çatdırmağı hədəfləyir.

ABŞ və Çin liderləri yeni texnologiyalar üçün "süni intellekt" deyil, "super intellekt" terminindən istifadə etməyi qərara alıb. Onlar risk və faydaların müzakirəsi üçün ABŞ-Çin Super İntellekt Dialoqunu yaradıb. Növbəti görüşün noyabr ayına planlaşdırıldığı qeyd olunur.

Bundan əlavə, tərəflər super intellektdən irəli gələn fövqəladə hallar üçün ikitərəfli əlaqə kanalı yaradıb.