ABŞ Boeing ilə yeni döyüş uçağı üçün müqavilə bağladı

News.ru yazır ki, ABŞ Pentaqonu Boeing şirkəti ilə dəniz donanması üçün altıncı nəsil F/A-XX döyüş uçağının hazırlanması üzrə 20 milyard dollardan (1,69 trilyon rubl) çox qiymətə müqavilə bağlayıb.

Müqavilə çərçivəsində bir neçə təcrübə modeli yaradılacaq və gələcək sınaqlar üçün hazırlanacaq.

F/A-XX uçağı F/A-18E, F/A-18F "Super Hornet" döyüş təyyarələri və EA-18G "Growler" radioelektron mübarizə təyyarəsinin yerini tutması planlaşdırılır.

Ekspertlər proqrama ümumi olaraq yüz milyardlarla dollar dəyərində büdcə ayrıla biləcəyini bildirirlər.

ABŞ Müdafiə Nazirliyinin satınalmalar və texnologiyalar üzrə müavini Maykl Dafi deyib ki, F/A-XX ABŞ ordusuna "həlledici döyüş üstünlüyü" verəcək.

Müqavilə üçün Northrop Grumman da iddialı idi. 2025-ci ildə Boeing Pentaqon tərəfindən Hərbi Hava Qüvvələri üçün altıncı nəsil F-47 döyüş uçağının hazırlanması üçün seçilmişdi.

Əvvəl bildirildiyi kimi, ABŞ İspaniyada Moron aviabazasının döyüş təyyarələrinin dayanacağını 100 milyon dollara qədər genişləndirmək niyyətindədir. Sənədlərdə bu bazada əlavə B-52 strateji bombardmançılarının yerləşdirilməsi imkanının nəzərdə tutulduğu göstərilir.