ABŞ və Avstraliya Braziliyada səfirlikləri bağladı

Al Jazeera yazır ki, ABŞ Braziliyada konsulluq xidmətlərini təhlükə səbəbindən müvəqqəti dayandırıb və amerikalılara səfirlik və konsulluqlara getməməyi tövsiyə edib.

Avstraliyanın Braziliyadakı səfiri Sofi Devis ABŞ-ın təhlükəsizlik xəbərdarlığına istinadla səfirliyin bağlanacağını açıqlayıb və avstraliyalılara ABŞ diplomatik nümayəndəliklərindən uzaq durmağı tövsiyə edib.

Braziliyanın federal polisi Braziliya paytaxtında və San-Paulu şəhərində ABŞ diplomatik obyektlərinə təhlükə ola biləcək planların araşdırılması çərçivəsində əməliyyat keçirib. Əməliyyat xarici kəşfiyyat xidmətləri ilə əməkdaşlıqda baş tutsa da, təhlükə barədə ilkin məlumat təsdiqlənməyib və heç bir cinayətkar əlaqə aşkarlanmayıb.

Əməliyyat zamanı rabitə avadanlığı müsadirə olunub, araşdırmalar davam edir.

İşlər ölkə prezidenti Luiz İnasiu Lula da Silvanın yenidən seçilməsi və keçmiş prezident Jair Bolsonaronun oğlu senator Flavio Bolsononun yarışdığı seçkidən iki gün əvvəl baş verir. Əgər heç bir namizəd 50 faizdən çox səs toplaya bilməsə, oktyabrın 25-də ikinci tur keçiriləcək.