Son illərdə dəriyə qulluq rutinləri əsasən müxtəlif alətlər sayəsində daha təsirli olub. Dəriyə qulluq alətləri bazarının dəyəri artıq 76 milyard dollardan çoxdur və 2030-cu ilə kimi 53 faiz artması gözlənilir. Bərpa edən, qaldıran və kollageni gücləndirən dəri alətlərinin tələbatı artmaqda olduğu üçün hansı vasitələrin effektiv, hansılarının isə yalnız təsirli göründüyünü ayırd etmək getdikcə çətinləşir.

Biz 28 "ELLE" əməkdaşını cəlb edərək ən məşhur alətləri yoxladıq və gördük ki, LED mask, mikrocərəyan texnologiyası və multimodal alətlərdən hansıları bu vəd olunan effekti verir. İştirakçılar üzünün formalaşması, qaldırılması və tonusunun yaxşılaşdırılması barəsində tam dürüst rəy verdilər.

Dörd müxtəlif dalğa uzunluğu — qızıl, dərin qırmızı, infraqırmızı və qırmızı işıq — gözaltı dəriyə yumşaqlıq verir və şişkinliyi azaldır. Test edən şəxs qeyd etdi ki, eynəklər üzə möhkəm oturur və üç dəqiqəlik seanslar kifayət edir. Vaxt keçdikcə gözaltı sahə daha az tünd və yorğun görsənir.

Bu gua sha üz aləti həm qırmızı işıq ilə kollagen istehsalını, həm də infraqırmızı işıqla iltihabın azaldılmasını və qan dövranının yaxşılaşdırılmasını təmin edir. Test edən şəxs dedi: “Üzümün formasında, yanaqlarım və çənəmdə daha aydın konturlar gördüm”. Daimi gua sha istifadəçisi kimi əlavə LED işığın dərini daha parlaq göstərdiyini vurğuladı.

Kiçik, lakin güclü bu cihaz LED, elektromaqnit stimulyasiyası və radiofrekans birləşdirir. Üç rejimi var – dəri təmizliyi üçün mavi işıq, dövranı və dartınmanı artıran qırmızı işıq və matlığı aradan qaldırmaq üçün kombinə işıq. Tester dərhal təsiri hiss etdiyini söylədi. O, aləti hər ikinci gecə istifadə edib, ehtiyaclarına uyğun rejimlər arasında keçid edirdi. "Dəqiqləşdirmə" rejimi dərini açır, "Aktivləşdirmə" gözdən şişkinliyi azaldır, "Bərpa" rejimi isə dərini dartır və hamarlaşdırır.

Evdə, ofisdə istifadə üçün nəzərdə tutulmuş FDA tərəfindən təsdiq edilmiş ən yeganə fraksional lazer cihazı dərinin dərin qatlarına təsir göstərərək bərpa və dartılmaya kömək edir. Hər dəri növü üçün uyğundur. Tester cihazı rutinə daxil etməyin asan olduğunu və bir seansın bir neçə dəqiqə çəkdiyini qeyd etdi. "Bir neçə həftə davamlı istifadə nəticəsində dərim daha hamar və tonlu göründü, incə xətlər yumşaldı" – dedi. Əsas tövsiyə: ağrı olmaması üçün aşağı gücdən başlamaq lazımdır.

Boyun üçün dəriyə qulluq rejimi yeniləndi. "CurrentBody"nin Series 2 LED boyun və dekolte maskasında 229 LED lampası var, bu, Series 1-in 50 lampasından çoxdur. Maskada qırmızı, yaxın infraqırmızı və dərin infraqırmızı işıqlardan istifadə olunur ki, kollagen istehsalını artıraraq dərini möhkəmləndirir, işıqlandırır və dərin qatda yaşlanmaya təsir edir. Tester adətən qırmızı lampalı əl cihazından istifadə edirdi və maskaya keçdikdən sonra üzdəki kiçik qüsurların yox olduğunu, dərinin isə daha parlaq göründüyünü bildirdi. "Boyun sahəsini müalicə etməyi düşünənlər üçün maska faydalı investisiyadır" – dedi.

LED alətlərdən fərqli olaraq bu əl cihazında yaxın infraqırmızı, qırmızı və impulslu geniş spektrli işıq kombinasiyası var. Bu, iltihabı azaltmaq üçündür və test edən şəxs "proqramlaşdırılmış" adlandırıb, müəyyən bədən sahələrində istifadəsinə üstünlük verib. Egzema xəstəsi kimi onun dərisinin təmiz və hamar qalmasına; qulağının ətrafındakı çapıqların isə işıqlanmasına kömək etdiyini söylədi.

Bu maska dörd növ işıq terapiyasından istifadə edir. Mavi işıq akne yaradan bakteriyalarla mübarizə aparır. Qızıl işıq dərini işıqlandırır və sakitləşdirir; qırmızı işıq kollagen istehsalını dəstəkləyir; yaxın infraqırmızı isə dərinin ən dərin qatını bərpa və möhkəmləndirməyə yönəlir. Tester maskanı gündə iki dəfə istifadə edib, səhər qızıl işıqla canlandırma, gecə isə qırmızı işıqla qırışları müalicə edib və dörd həftə sonunda dərinin daha parlaq olduğunu qeyd etdi. "Mən onu çox bəyəndim və uzun müddət istifadəyə davam edəcəyəm" – dedi.

Amerika mikrocərəyan cihazlarından fərqli olaraq bu koreyalı cihaz bir neçə rejimə malikdir ki, şişkinliyi azaldır və məhsulların udulmasını yaxşılaşdırır. Tester bu məhsula həftədə üç dəfə istifadə edir. O, dedi ki, "üzümdə su tutulması çoxdur, bu alət üzümü indiyədək görmədiyim şəkildə dartır. Dürüstcə desəm, bu o qədər yaxşı işləyir ki, bəzən özümü üzüm çox incə görünür deyə narahat hiss edirəm".

Bu "CurrentBody" LED maskası uzun müddətdir tanınır, amma bu versiyada dərinə nüfuz edən infraqırmızı işıqlar və maskanın sürüşməməsi üçün fərqli silikon materialdan istifadə olunur. Tester aylarca hər gecə 10 dəqiqə istifadə etdiyini və dərisinin daha təmiz olduğunu, incə xətlərin isə zəiflədiyini söylədi. "Hələ gənc olsam da, əvvəlcədən olan incə xətlərin daha az olduğunu hiss edirəm" – dedi.

Bu maska xüsusilə sızanaq problemi olanlar üçün hazırlanıb. Mavi və qırmızı işığın kombinasiyası bakteriyaları hədəfləyir, sızanağın əmələ gəlməsinin qarşısını alır və dərini işıqlandırır. Tester dedi ki, "Bu müdafiə üsulunu nizamlı istifadə etmək lazımdır, amma sızanaq çapıqları yüngülləşdi və aybaşından əvvəl az sızanaq çıxdı".