Vladimir Putin və Aleksandr Vuçiç telefonla danışıb

News.ru yazır ki, serb tərəfinin təşəbbüsü ilə Rusiya Prezidenti Vladimir Putin ilə Serbiya Prezidenti Aleksandr Vuçiç arasında telefon danışığı baş tutub.

Danışıqlar zamanı tərəflər strateji tərəfdaşlığın inkişafının müxtəlif aspektlərini, o cümlədən energetika, neft-qaz sektoru, nəqliyyat və səhiyyə sahələrini müzakirə ediblər.

Serbiya Prezidenti Rusiyaya geniş dəstəyi üçün təşəkkürünü bildirib və meşə yanğınlarının söndürülməsinə göstərilən yardıma ayrıca minnətdarlığını ifadə edib.

Daha əvvəl Rusiya Prezidentinin mətbuat katibi Dmitri Peskov bildirmişdi ki, Vladimir Putin və Aleksandr Vuçiç arasında görüşün keçirilə bilməsi ehtimalı var. Rəhbərlər qaz təchizatının uzadılması məsələsini də müzakirə edə bilərlər.