Fransız brendi Veja Arpenteur ilə birgə yeni əməkdaşlıq çərçivəsində yan paneldə ənənəvi “V” loqosu olmayan ilk idman ayaqqabısını təqdim etməyə hazırlaşır.

Arpenteurun həmtəsisçisi Mark Asseyli FN-ə müsahibəsində bildirib ki, Veja əvvəlcə bu ideyaya tərəddüd etdi.

“Onların tərəddüd etməsini başa düşürük, çünki logo onların kimliyi üçün çox önəmlidir,” deyə Asseyli vurğulayıb. “Lakin nəhayət, Veja bizim əsas məqsədimizin ayaqqabının keyfiyyətini önə çəkmək olduğunu anladı və qəbul etdi. Bundan əlavə, layihəni logosuz həyata keçirmək böyük inam tələb edir. Buna görə onlara minnətdarıq.”

Veja-nın yaradıcı direktoru Karolin Bulio isə FN-ə bildirib ki, Arpenteur komandasını və minimalist dizayn tərzini onilliklərdir tanıdığı üçün logo çıxarılması tələbinə təəccüblənməyib.

“Amma onlar logodan istifadənin dayandırılmasına bu qədər müqavimət göstərəcəklərini gözləmirdik,” deyə Bulio əlavə edib. “Uzun müzakirələr oldu. Amma nəticə bizi razı salır, çünki ayaqqabının bütün detalları və xarakteri görünür və Arpenteurun dizaynı ön plana çıxır.”

3 sentyabrda təqdim ediləcək kişilər üçün olan Panenka modeli tamamilə qara rəngdədir, üst hissədə tikişlər, kontrastlı süet detalları və yastıqlı örtükləri ilə seçilir.

Braziliyada istehsal olunan bu ayaqqabının üstü orqanik izli dəridən, içliyi isə şəkər çuğundurundan əldə olunan bio əsaslı EVA-dan ibarətdir. İstehsalda Amazon rezini, minerallı silis, təkrar emal olunmuş polyester və pambıq da istifadə olunur.

Böyük “V” yan paneldə yoxdur, lakin Veja logosu dabanda Arpenteurun logosu ilə simmetrik şəkildə dil üzərində yerləşir. Hər iki brendin loqolarını daşıyan dəri etiketi bağların üzərində birləşir.

Bulio istehlakçıların ikinci əməkdaşlıq gözləyib-gözləmədikləri barədə deyib ki, gələcəkdə belə layihələr ola bilər. “Biz bu cür layihələrə insanların reaksiyasını görür və işləri tələsmədən icra edirik,” deyə o əlavə edib. “Layihələri sürətlə həyata keçirmirik. Vaxt ayırmaq vacibdir və ikinci mövsümü həyata keçirmək istəsək, heç bir problem yoxdur. Bir il sonra da ola bilər.”

Yeni Arpenteur x Veja Panenka hər iki brendin rəsmi saytları və mağazalarında, həmçinin Mohawk General Store, Lost & Found, Centre Commercial və Sportivo kimi pərakəndə satış yerlərində satışa çıxarılacaq.