Türkiyədə tikinti istehsalı indeksi 2025-ci ilin aprelində illik müqayisədə 2,1 faiz artıb.

Alt sektorlar arasında fərqli göstəricilər diqqət çəkir. Binaların tikintisi indeksi ötən ilin müvafiq dövrü ilə eyni qalsa da, mühəndislik işləri indeksi 12,3 faiz, ixtisaslaşmış tikinti fəaliyyəti indeksi isə 2,7 faiz artıb.

Aylıq müqayisədə tikinti istehsalı indeksi 0,7 faiz yüksəlib. Bu dövrdə binaların tikintisi indeksi 0,9 faiz, mühəndislik işləri indeksi 1,4 faiz artarkən, ixtisaslaşmış tikinti fəaliyyəti indeksi 0,5 faiz azalıb.

2025-ci ildə Türkiyədə tikinti xərcləri ötən ilə görə 44 faiz artıraraq təxminən 197 milyard dollar həcmində olan 9,09 trilyon türk lirəsinə çatıb. Bu barədə Türkiyə Tikinti Materialı İstehsalçıları Assosiasiyasının (İMSAD) hesabatında bildirilir.

Hesabatda tikinti sektorunun Türkiyə iqtisadiyyatının ümumi artımını qabaqladığı və 2025-ci ildə 10,8 faiz böyüdüyü vurğulanır. Beləliklə, sektor ölkənin ümumi daxili məhsuluna (ÜDM) əsas töhfə verən sahələrdən birinə çevrilib. Eyni dövrdə ÜDM 3,6 faiz artıb.

Hesabatda həmçinin layihə əsaslı investisiyalar, məcburi xərclər, zəlzələ sonrası bərpa işləri və şəhər dəyişdirmə layihələrinin sektora mühüm dəstək verdiyi qeyd olunub.