Türkiyədə 2024 ən isti, 2025 isə ən quru il oldu

Hürriyet yazır ki, Meteoroloji Baş İdarəsi 2016-2025 illərini əhatə edən qlobal və milli temperatur məzənnələri ilə quraqlıq analizini təqdim edib. Bu dövr qlobal səviyyədə ən isti 10 il kimi qeydə alınıb. Dünya Meteorologiya Təşkilatının (WMO) qiymətləndirməsinə əsasən, 2015-2025 arası illər tarixdəki ən isti 11 il olub.

2024-cü ildə qlobal orta temperatur 15,1 dərəcə ilə rekord səviyyəyə çatıb. 2025 isə Copernicus/ECMWF və NOAA məlumatlarına görə 3-cü ən isti il kimi təsnif edilib. Okeanların istilik tutumu isə 2025-ci ildə ən yüksək həddə yüksələrək müasir müşahidə tarixində yeni rekord yaradıb.

Türkiyədə isə son 10 ildə davam edən temperatur artımı 2024-cü ildə 15,6 dərəcə ilə ən yüksək səviyyəyə çatıb və rekord qırıb. 2023-cü ildə orta temperatur 15,1 dərəcə olub və bu il Türkiyə üçün 3-cü ən isti il olaraq qeydə alınıb.

Quraqlıq baxımından isə 2025-ci il xüsusilə fərqlənir. Bu il Türkiyə üçün 1964-cü ildən bəri ən quru il hesab edilir. Yağışlar normaldan 27,6 faiz az olub, Güneydoğu Anadolu bölgəsində bəzi yerlərdə çatışmazlıq 60 faizi keçib.

Yüksək temperatur göstəriciləri də qeydə alınıb: 25 iyul 2025-ci ildə Şırnakın Silopi rayonunda maksimum 50,5 dərəcə temperatur ölçülüb. Rapor vurğulayır ki, Qaradeniz regionu istisna olmaqla, digər bölgələrdə son 10 il ərzindəki orta temperatur artımı müsbət və mənfi scenarilərdən yuxarı olub.

Çevrə, Şəhərsalma və İqlim Dəyişiklikləri naziri Murat Kurum sosial mediada bildirib ki, iqlim dəyişikliyi artıq gələcəyin deyil, bugünün məsələsidir. O vurğulayıb ki, hazırlanan hesabat 2024-cü ilin ən isti, 2025-ci ilin isə ən quru il olduğunu göstərir və buna qarşı iqlim müqavimətli ölkə üçün işlər davam etdirilir.