Türkiyədə 2024 ən isti, 2025 ən quraq il olub

Çevrə, Şəhərsalma və İqlim Dəyişikliyi naziri Murad Kurumun məlumatına görə, Türkiyənin ən isti ili 2024, ən quraq ili isə 2025-ci ildir.

Meteorologiya Ümumi Müdirliyinin 2016–2025-ci illər üzrə qlobal və milli temperatur və quraqlıq analizlərinə əsasən, 2024-cü ilin ortalama temperaturu 15,6 dərəcə olub və bu, ölkənin ölçmə tarixində rekorddur.

Eyni dövrdə, qlobal səviyyədə 2016–2025-ci illər ən isti onillik hesab edilir. 2024-cü il, 15,1 dərəcə ortalama temperaturla dünyada ən isti il kimi qeyd olunub.

2025-ci il Türkiyədə 1964-cü ildən bəri ən quraq il sayılır və normal yağıntı səviyyəsindən 27,6 faiz azdır. Güneydoğu Anadoluda isə yağıntı çatışmazlığı 60 faizdən çoxdur.

2025-ci ildə ölkədə ən yüksək temperatur 25 iyulda Şırnaq regionunun Silopi qəsəbəsində 50,5 dərəcə qeydə alınıb. Ümumilikdə, Karadeniz bölgəsi istisna olmaqla, 2016-2025 illəri temperatur baxımından gözlənilən ən pis ssenaridən də yüksək olub.

Dünya Meteorologiya Təşkilatının məlumatına görə, 2015-2025-ci illər arası dünya səviyyəsində ən isti 11 il olub. Bu, həm qlobal, həm də milli ölçüdə iqlim dəyişikliklərinin təsirini göstərir.