Tayvandakı «Çampi» tayfunu 616 nəfərin xəsarət almasına səbəb olub

Tayvandakı "Çampi" tayfunu nəticəsində 616 nəfər xəsarət alıb, bir nəfər ölüb, deyə ada üzrə fövqəladə hallar üzrə mərkəzi əməliyyat qərargahı bildirib. Əvvəl qurum 1 ölü və 500-dən çox yaralı olduğunu açıqlamışdı.

Məlumatda qeyd olunur ki, güclü külək və leysan yağışlar yol qəzalara, reklam lövhələrinin və ağacların aşmasına səbəb olub və bu, xəsarətlərə gətirib çıxarıb. Bir nəfər Pindun rayonunda sahildə fırtına dalğası tərəfindən aparılaraq ölüb. Hal-hazırda tayfun zəifləyib və adadan Yaponiyaya doğru hərəkət edir. Gözlənilir ki, növbəti 24 saat ərzində hava tam normallaşacaq.

Son iki gündə 9.027 hadisə barədə məlumat daxil olub, onlardan 3.287-si aşan ağaclarla bağlıdır, o cümlədən 1.282-si Taypey şəhərində qeydə alınıb. Daha 3.033 hadisədə infrastruktur obyektlərinə ziyan dəydiyi bildirilir, qalanları isə leysanlar və fırtına küləyi səbəbindən reklam lövhələrinin aşmasıdır. 340 mindən çox ev elektrik enerjisindən məhrum olub. Torpaq sürüşməsinin qarşısını almaq üçün hakimiyyətlər bir neçə rayondan 4.960 nəfəri təxliyə edib.

Əvvəlcədən Yaponiyada "Duczyuan" tayfunu səbəbindən 12 nəfərin öldüyü məlumatı verilmişdi. Çoxlu sayda insan torpaq sürüşmələrinin qurbanı olub, bir neçəsi isə su basmış avtomobillərdə boğulub. Dörd nəfər itkin sayılır. Çiba və Kanagawa prefekturalarında 17 mindən çox ev elektrik enerjisindən məhrum vəziyyətdə qalır.