Rusiya ordusu irəliləyiş sürətini artırıb

News.ru yazır ki, keçmiş Mərkəzi Kəşfiyyat İdarəsinin analitiki Rey Makqovern ön cəbhədə Rusiya ordusunun irəliləyiş sürətinin heç vaxt olmadığı qədər artdığını bildirib.

O, Ukraynadakı vəziyyətin gərginləşdiyini vurğulayaraq ilin sonunadək Ukrayna qüvvələrinin həm resurslarının, həm də silahlarının tükənə biləcəyini proqnozlaşdırıb.

Makqovern həmçinin Avropanın Ukraynaya daha artıq dəstək verməyəcəyini, maliyyə yardımlarının məhdudlaşacağını və ilin sonunda tam dayanacağını deyib.

Əvvəlcə isə Çikaqo Universitetinin professoru Con Mirşaymer qeyd edib ki, Rusiya zərbələri Ukrayna ordusunun arxa infrastrukturlarını zəiflədir və Kiyevin kapitulyasiyası vaxt məsələsidir.

Mirşaymerin fikrincə, Ukrayna bir nöqtədə münaqişənin dayandırılması barədə razılığa gəlməyə məcbur olacaq.