Rumıniya Ukrayna sərhədində təyyarələri havaya qaldırdı

News.ru yazır ki, Rumıniya Müdafiə Nazirliyi 26 sentyabr gecəsi Ukrayna ilə cənub-şərq sərhəddində naməlum hava obyektinin aşkar edilməsinə görə təcili döyüş təyyarələrini havaya qaldırıb.

Radio-lokasiya stansiyaları 00:15-də Ukrayna ərazisində, Vilkovo qəsəbəsi yaxınlığında müşahidə olunan obyekt barədə məlumat verib.

Reaksiya olaraq Rumıniyanın Mixail Koğelnicanu aviasiya bazasından iki F-16 və İspaniya Hərbi-Hava Qüvvələrinə məxsus iki F-18 döyüş təyyarəsi havaya qaldırılıb və hava nəzarəti həyata keçirilib.

Sərhəd bölgəsində yaşayan vətəndaşlara təhlükə barədə təcili xəbərdarlıq göndərilib. Nazirlik sərhədin pozulmadığını və suverenliyin təhdid edilmədiyini vurğulayıb.

Əvvəlcə Rumıniyanın Suçava dairəsində Ukrayna tərəfdən gəlmiş pilotsuz aparat meşəlik ərazidə şəhər yaxınlığında qəzaya uğrayıb. Bu hadisəyə nəzarət üçün iki F-16 döyüş təyyarəsi dərhal havaya qaldırılıb.